കൊച്ചി: അഞ്ചരക്കണ്ടി ദത്തല് കോളജ് വിദ്യാര്ഥി നിതിന് രാജിന്റെ മരണത്തില് ഡോ. റാമിന്റെ മുന്കൂര് ജാമ്യാപേക്ഷ ഹൈക്കോടതി വിധി പറയാന് മാറ്റി. നിതിന് രാജിന് സാമ്പത്തിക ബുദ്ധിമുട്ടുകള് ഉണ്ടായിരുന്നുവെന്നും ലോണ് ആപ്പുകളുടെ ഭീഷണിയെ തുടര്ന്നാണ് വിദ്യാര്ഥി ജീവനൊടുക്കിയതെന്നുമാണ് ഡോ. റാമിന്റെ വാദം.
തന്നെ ഇതിലേക്ക് അനാവശ്യമായി വലിച്ചിഴച്ചതാണെന്നും മുന്കൂര് ജാമ്യം അനുവദിക്കണമെന്നും ഡോ. റാം വാദിച്ചു. എന്നാല് ഡോ. റാമിന് ജാമ്യം നല്കുന്നത് കേസ് അട്ടിമറിക്കപ്പെടാന് കാരണമാകുമെന്നും റാമിനെതിരെ കൃത്യമായി തെളിവുകളുണ്ടെന്നും പ്രോസിക്യൂഷന് കോടതിയെ അറിയിച്ചു.
അഞ്ചു ദിവസത്തെ വാദത്തിന് ശേഷമാണ് നിലവില് കേസ് വിധി പറയാനായി മാറ്റിയത്. മാധ്യമങ്ങള് ഡോ. റാമിനെ വേട്ടയാടുന്നതായും കോടതിയില് അദ്ദേഹത്തിന്റെ അഭിഭാഷകന് പറഞ്ഞിരുന്നു. എന്നാല് മാധ്യമങ്ങള് അവരുടെ സാമൂഹികമായ കടമയാണ് ചെയ്യുന്നതെന്ന് കോടതി നിരീക്ഷിച്ചു.
E-paper LOGIN
LOGIN
